Andlaus

Við höfum nú farið yfir þetta áður, andleysi.

Frá því ég man eftir mér hef ég nánast flogið á hugmyndafluginu, uppátæki furðuleg og mikill sveimhugi.   Fyrir vikið hef ég þurft að fá útrás á ýmsum vettvangi sem margir, sérstaklega systkini mín, hafa kallað athyglissýki.  Eðlilega.

Ég hef mikla sköpunarþörf og þarf að búa eitthvað til á hverjum degi, nema kannski á sunnudögum, þá er hvíldardagur. Ég meina, meira að segja Guð sjálfur tók sér þá frí frá sköpunarverkinu.

Þegar ég horfi til baka sé ég ýmislegt eftir mig sem ég hef gert og er nokkuð ánægður með.  Ég hef líka ákveðið ýmislegt sem ég ætla að gera.  Næst á dagskrá er bók. Efni er ákveðið og byrjunin er komin á tölvuborðið og megnið er í kollinum. En það situr þar fast
Sköpunarheilastöðin hefur verið í fríi í marga mánuði.  Þetta kemur fram á blogginu sem er oft óttalega andlaust og innihaldslítið. 

Þetta þykir mér vera frekar fúlt og vona að það kvikni á skaparanum í mér. 

Því miður, orð dagins er: ANDLEYSI 

Kommentið svo ef þið hafið ekki öll yfirgefið mig

SJÁUMST 

Athugasemdir

[Haukur (IP-tala skráð) 29.1.2007 kl. 21:59]

Sæll. Ég á við sama vandamál að stríða með bloggið. Ég er einhverveginn fastur og andlaus líka. Það er reyndar miklu meira en nóg að gera á námskeiðinu. Það er rétt svo að ég nái að lesa allt sem ég þarf að lesa fyrir næsta dag.  Ég ætla að vona að ég komist af stað í blogginu.

[Guðbjartur (IP-tala skráð) 30.1.2007 kl. 12:13]

Sæll.
Ég kem með stórtíðindi úr borginni !
Sólin var að brjótast í gegnum rigningarskýin í fyrsta sinn síðan Haukur kom hingað. Hann er því á leiðinni í ríkið til að kaupa kampavín til að halda upp á þennan mikla viðburð.
Kveðja úr sólinni, Guðbjartur.

[lg (IP-tala skráð) 30.1.2007 kl. 14:21]

Sæll Pétur, ég hef nú ekki verið dugleg að skoða bloggið hjá ykkur þessa dagana enda greinilega ekki mikið að ske þar. Ef það er rólegt í vinnunni hjá mér kíki ég á bloggið en aldrei heima þá er það bara námið. (Við værum sífull hérna fyrir norðan þessa dagana ef við skáluðum í kampavíni fyrir sól og góðu veðri.... )