Ástríða...

Þetta er eitt af þessum orðum sem mér finnst alltaf segja meira upp á enskuna en okkar ylhýra móðurmál.

Passion er ofsalega sterkt afl.  Stundum veltum við því fyrir okkur hvernig þessi eða hinn gerir hlutina. Hann/hún gerir þetta af miklu meiri alúð, einlægni en aðrir.

Þegar ég var á leiklistarnámskeiði hjá L.A. í fyrra vorum við látin lesa hluta úr bók sem fjallaði um þetta.  Passion er stór hluti af leiklist.

Síðan þá hef ég horft í kringum mig og hugsað aðeins um þetta.  Í þessum mannlífsrannsóknum hef ég komist að því að þetta skiptir öllu máli.

Eitt að því sem ég hef ástríðu fyrir er matargerð.  Og ég þyki nú ansi góður kokkur, eins og kannski sjá má.

En ástríða/passion er eiginlega eitthvað sem maður velur sér ekki.  A.m.k. hef ég ekki ennþá fundið leiðina að því að búa mér til ástríðu, hún bara kemur.

Ef einhver veit leiðina að því að ala með sér passion, þá látið mig vita.   Það er kannski hin eilífa barátta í lífinu, rétt eins og hin eilífa leit að hamingju, peningum og þessari fjandans kjörþyngd

Hafið það gott elskurnar og höfum ástríðu fyrir lífinu.

Athugasemdir

[laufey (IP-tala skráð) 8.3.2007 kl. 15:01]

Hæ Pétur, mikið áttu gott að hafa gaman af því að elda, eitt af þeim skylduverkum sem ég þoli ekki  enda leiðist mér að borða. Ætti ég ekki þá að vera grindhoruð eða hvað  

[Pétur Guðjónsson, 8.3.2007 kl. 15:10]

Jú Laufey, þú ættir nú að vera það ef þér leiðist að borða......en er þetta ekki allt á réttir leið??  Þú veist hvernig við bræður þínir erum, höfum gaman af því að borða OG drekka

En ertu nokkuð búin að gefa frakkann minn í Hjálpræðisherinn??

[Guðbjartur (IP-tala skráð) 8.3.2007 kl. 15:46]

Já og Fanney nýtur góðs af hversu gaman við höfum af því að drekka.
Hún fer að vera stórrík af öllum tómu baukunum sem hún fær frá okkur Hauki.