Tíminn líður hratt.....

...á gervihnattaöld.

Mikið ofsalega líður tíminn hratt þessa dagana. Mánudagur er að verða næsti dagur á undan föstudegi, sko liggur við.   En það hlýtur að merkja að maður uni vel sínum hag.

Varðandi titil færslunnar, þá kemur Eurovision upp í huga minn við þennan titil.

Á dögunum frumsýndi RÚV myndbandið við framlag okkar í keppninni í ár. Eiríkur rauði varð Eiríkur svarti og allir misstu vitið.  Skrítið.

Verð að viðurkenna að ég tók varla eftir breytingu á háralit.  Tók hins vegar eftir að texti var mun síðri á ensku og myndbandið maður lifandi.........varahreyfingar pössuðu varla við lagið 

Tók virkilega enginn eftir þessu????? Þetta var eins og léleg Bruce Lee mynd frá áttunda áratugnum.

Mér finnst engu skipta hvort Eiríkur verður með rauðan eða svartan makka í keppninni.  Ég hef meiri áhyggjur af því að gæsahúðin sem ég fékk við að heyra lagið einu sinni er algjörlega horfin.  Ég lækka í útvarpinu þegar ég heyri ensku útgáfuna í útvarpinu eða kannski báðar.  Er strax búinn að fá leið á laginu.  Sorrý!

Því miður kæru landar held ég að við þurfum ekki að hafa áhyggjur af því að Eiríkur Hauksson tefji fyrstu tölur úr Suð-austurkjördæmi 12 maí.  Einhverjir hafa haft áhyggjur af því að það muni skarast á í útsendingu sjónvarps því kosningar eru sama kvöld og ef Ísland sigrar þá mun ekki gefast tími til að sína siguratriðið.   Reyndar held ég að við förum ekki í úrslit með þetta lag.

Samt er flytjandinn stórgóður og gæti með framistöðu sinni gert lítið úr spádómum mínum.  Enda eru þeir jafnsvartir og háríð á Eika. 

 

 

Athugasemdir

[Hafþór (IP-tala skráð) 22.3.2007 kl. 17:43]

Bruce Lee var nú helvíti góður á sínum tíma...

[Haukur (IP-tala skráð) 23.3.2007 kl. 16:37]

Ég þarf auðvita að tja mig um þessi mál. Ég er sammála ykkur að mestu leiti. Það var gaman af Bruce Lee hérna áður fyrr. Mér er nokkuð sama þá að Eiki væri með grænt hár, skiptir mig engu máli. Hinsvegar væri hann örugglega ekki flottur svoleiðis. Þetta er auðvita algjört klúður með að hljóð og mynd passi ekki saman. Sama má segja um enska textann, klúður. Hinsvegar, þó að ég hafi heyrt lagið nokkuð oft þegar ég var á klakanum, þá er ég ekki ennþá búinn að fá leið af því. Finnst þetta ennþá bara fínnt.

[Inga Bjöirk (IP-tala skráð) 23.3.2007 kl. 18:55]

er bara búin að sjá smávegis úr myndbandinu, fannst það flott en alveg skelfilegt að hljóð og mynd passi ekki saman hef ekki hlustað almennilega á textann í ensku útgáfunni.