X ?

Hæ.

Jæja, þetta er stór vika hvað varðar kosningar. Bæði til Alþingis og sönglaga.

Það er auðvelt að koma af stað heitum umræðum um pólitík svona rétt fyrir kosningar. Skemmtilegt komment frá Finna frænda á síðustu færslu.

Ég er fullur tilhlökkunar að blessaðar kosningarnar séu að ganga yfir. Mér leiðist þetta frekar mikið.

En við göngum líka að kjörborðinu í söngvakeppninni.  Okkar maður, Eiríkur Hauksson reynir að komast upp úr þessum pytt sem forkeppnin er.  Þetta er svipað og þegar knattspyrnulið falla í 1.deild úr úrvalsdeild, það getur verið erfitt að komast upp.

Eins og ég hef sagt áður þá held ég að við verðum ekki meðal keppenda á laugardagskvöldinu.  En mikið væri það nú gaman.  Þetta er vissulega fínt lag og Eiríkur er góður fulltrúi.  En maður veit aldrei, sjáum bara til.

Á laugardagskvöldið næsta mun ég ásamt fleirum sjá um Eurovision partý í Sjallanum. Þetta verður mikil skemmtun.  Vonandi sé ég sem flest af ykkur.  Nánar um það síðar.

Hafið það gott og munið að kjósa rétt.

Athugasemdir

[lg (IP-tala skráð) 8.5.2007 kl. 13:58]

Hvað er rétt X

[Pétur Guðjónsson, 8.5.2007 kl. 14:40]

Já Laufey. Það er spurningin. Ætli það sé ekki bara það sem okkur sjálfum finnst rétt en ekki einhverjum öðrum.  Sem sagt, kjósa eftir eigin sannfæringu

[Haukur (IP-tala skráð) 10.5.2007 kl. 04:51]

Það er eins gott að maður sé þokkalegur í stærðfræði. Það bætist alltaf eitthvað við svo að maður geti sagt skoðun sína á málunum á þessari síðu. Er að spá í það hvað kemur næst. Ég er reyndar svo þreittur að ég átti í mestu vandræðum með að leggja 7 og 17 saman. Allavega þá er í búinn að vera í skítnum í viku. líður eins og ég sé búinn að vinna samfleitt í mánuð. Ég kom seint í bæinn í gærkvöldi og er mættur við fyrsta hana gal.

Heyrumst síðar.

[Pétur Guðjónsson, 10.5.2007 kl. 09:05]

Já Haukur. Það er ekki auðvelt að kommenta og gæti það veri hluti af ástæðunni fyrir því að fáir kommenta.

Sá þig á msn en var ekki kominn í vinnuna. Þú varst svo farinn þegar ég svaraði þér.  Heyrumst vonandi fljótlega.