Mátturinn

"Megi mátturinn vera með þér"-var sagt í Star wars myndunum.

En hvað er mátturinn. Er hann kannski ekki til nema í bíómyndunum? Ég held reyndar ekki.

Þessi máttur er meðal okkar í daglegu lífi. Við notum hann líklega bara svo sjaldan. Mátturinn sem ég tala um er einhver óáþreifanleg orka sem við getum notað, til dæmis til að gera lífið betra og skemmtilegra.

Þessi orka er til dæmis jákvæði og neikvæðni okkar. Það ER staðreynd að jákvæðni er ofsalega sterk og mikilvæg.Það vitum við en gleymum of oft. Þetta höfum við nú oft talað um hér á síðunni.

Ég geng reyndar svo langt að segja að hugarorka okkar og straumar ráði því hvernig líf við eigum, hvað fjálmál okkar og hitt og þetta snertir. Við getum allt. Hvað haldið þið til dæmis að Eiður Smári hafi komist langt, bara á þrjósku, ákveðni og sjálfstrausti, sem er reyndar ekkert bara.

Við getum öll gert lífið betra, með því að segja við okkur sjálf:Ég skal, ætla og get. Vitum við þetta svo sem ekki? Jú ég held það.

Á mánudagskvöldið var þáttur um dávaldinn Sailesh. Maðurinn er ótrúlegur. Hann getur látið fólk gera alls konar hluti, oft mjög ósæmilega.

Útgangspunkturinn á þessum skrifum er: Þú getur allt, allt, allt! Bara ef þú vilt það.

Megi mátturinn vera með þér.

Athugasemdir

[Haukur (IP-tala skráð) 22.6.2006 kl. 13:30]

Vá. Mér fannst eins og ég hafi skrifað þetta. Það er svolítið skrítið að þetta er í svipuðum dúr og ég ætlaði að skrifa í gær. Ég var bara ekkert voðalega vel upplagður þannig að ég sleppti því í bili.

[Laufey (IP-tala skráð) 22.6.2006 kl. 13:56]

Þetta er akkúrat það sem ég hugsa, ég skal, ég get og ég ætla, og finna út hvað get ég gert ef hlutirnir ganga ekki alveg eins og maður vill og vinna í því. Ýmislegt hægt með viljanum það er á hreinu.

[Silla Lórenz (IP-tala skráð) 22.6.2006 kl. 15:58]

Já þetta er mikið rétt hjá þér Pétur allt sem við hugsum, segjum og gerum hefur áhrif á líf okkar og eins er það með allt okkar samferðafólk hver einstaklingur og hver reynsla skilur alltaf eitthvað eftir í okkar viskubrunn sem verður til þess að við verðum flest að betri manneskjum og lærum betur og betur á lífið en númer 1 2 og 3 maður getur allt ef maður bara vill og ætlar.......

[Inga Björk (IP-tala skráð) 22.6.2006 kl. 16:07]

Bjargaðir deginum fyrir mér elsku Pétur. Takk..

[Broddi... (IP-tala skráð) 25.6.2006 kl. 01:32]

Pétur minn þú ferð með rangt mál hérna.. það er ekki ég skal , ég ætla ég get... það er ég gæs. ég get ég ætla ég skal ;) .. bara svo þú farir með rétt mál hehe :P:) en bið að heiæsa heim og láta þig vita að þú munt taka mig með til tenerife haha :D