Tungan

Hæ.

Verð nú að láta kné fylgja kviði og blogga á hverjum degi núna.

Sl.föstudag var dagur íslenskrar tungu og haldið upp á afmæli Jónasar Hallgrímssonar. 

Ríkissjónvarpið sýndi stórgóðan þátt, að mínu mati um kvöldið, sem var skemmtidagskrá í tilefni 200 ára afmælinu hans Jónasar. Þar fór m.a. Benedikt Erlingsson mikinn þegar hann rappaði Gunnarshólma.

Ég fæ aldrei nóg af því að tala um íslenskuna okkar. Og ég hef notað hvert tækifæri til þess að tala um þá meinlegu villu þegar sagt er:"spáðu í þessu". Afar slæmt og fer eins og faraldur yfir þjóðina.

Og það nýjasta sem ég velti fyrir mér er það, hversu margir skrifa ranga íslensku, dæmi: "erþaki "sem ætti að skrifast: "er það ekki?"

Aftur segi ég að eðlilegt er að fólk slái inn vitleysur eða klikki á Y og I. Það er svo allt annað mál.

En þaer so vont sko efað Ýslenskann þróasst sona hratt ifir íað vera sona vittlausst skrifuðð og töluðð. Ég hef lengi spáðíessu hva mun gersasst ettir t-eða tuttug-ár. Þá endar með-ðí að allir habbna bara ísslenskunni og tala bara eikkað mál, ensku eð eikkað solleiðis.

 Erþaki?

 

Athugasemdir

[Inga Björk (IP-tala skráð) 22.11.2007 kl. 10:05]

Góður pistill Pétur minn. Ég er ein af þeim sem hafa tröllatrú á íslenskri tungu og trúi því og treysti að hún muni lifa af í gegnum ólgusjó alþjóða-og tækni væðingar. En einungis með umræðu eins og þessari höldum við okkur á tánum og erum vakandi....Ég starfa mikið í kringum útlendinga og erlend tungumál en það er bara staðreynd að íslenskan er of mikill partur af okkur sjálfum og þjóðinni til að hún leggist auðveldlega af!

Skál fyrir því...

[Guffi Árna, 23.11.2007 kl. 17:58]

sæll frændi langaði bara að skella kveðju á þig frá Danmörku. Hér eru allir hressir og kátir í kuldanum og vetrinum sem er skollin á,,sá sem sagði að það væri veðurblíða í Dk hann var að segja ósatt sjáður til. vertu sæll eins og maðurinn sagði

kveðja Guffi

[Haukur (IP-tala skráð) 28.11.2007 kl. 12:22]

Sæll Pétur. Það er gaman að sjá hvað þú hefur verið duglegur að blogga á meðan ég hef verið sambandslaus hérna í Madinah. Það er búinn að vera mikill þvælingur á mér síðustu daga. Ég ætla að koma með nokkrar línur á blogginu hjá mér svo að allir sem hafa áhuga geti fylsgt með.

Það væri nú gaman að geta komist á ættarmótið og hitt allar bytturnar, nei ég segi nú bara svona. Það er alvega gott að það sé komninn dagsettning. Þá verður auðveldara að reyna að koma. En eins og oft áður þá veit ég sjálfsagt ekki hvort ég komist nema með nokkra daga fyrirvara.

Bestu kveðjur úr blíðunni hérna í Madinah.