Afsakið meðan ég væli

Góðan daginn gott fólk.

Ég má nú til með að taka geðvonskufærsluna frá því á fimmtudaginn í burtu.  Viðbrögð við henni voru mikil og við ég þakka mikið vel fyrir góð ráð til mín. 

Helgin að baki, mæti nú hálf þreyttur í dag(væl) En helgin var góð, aðeins að spila en annars rólegheit.  Held að aldurinn sé farinn að færast yfir mig.  Ég þrái rólegheit og frið, kyrrð og ró.  Allt í einu leiðist mér hávaði, læti og öskrandi drukkið fólk.  Í því ástandi er ekki gott að vera DJ.  En þetta er nú sennilega tímabil sem gengur yfir, nema að ég sé að þroskast.....það skildi þó aldrei vera.

Framundan er ný vinnuvika sem byrjar með þoku á Akureyri.  Best að vera glaður og brosa  Þó gæti brugðið fyrir einhverju kvarti og kveini og þá segi ég bara:"Afsakið meðan ég væli". 

Megi vikan verða ykkur góð og hafið það sem allra best.

 

Athugasemdir

[laufey (IP-tala skráð) 2.10.2006 kl. 13:49]

Hæ Pétur, já hávaði og læti geta verið þreytandi og það er greinilegt að þú ert að komast á virðulegan aldur og að vaxa upp úr barnaskapnum:) Þegar ég var yngri hugsaði ég til hryllings með að verða þrítug hvað þá fertug en staðreyndin er sú að þetta er mjög góður aldur. Börnin fullorðin og nú get ég næstum gert það sem ég vil.... Þokan farin sína leið og glaða sólskin og stillt veður, hvað er hægt að biðja um meira.:-) Hafðu það gott í dag

[Haukur (IP-tala skráð) 2.10.2006 kl. 23:37]

Halló, halló.
Mikið ertu nú orðinn gamall. nei, ég skil þig vel. Mér fynnst drukkið fólk sjaldnast skemmtilegt þegar ég er sjálfur edrú. Svo getur líka verið of mikið af hávaðanum.
Bara að láta þig vita að það fór upp í svona 27 gráður hérna í dag. Reiknaði með að þú vildir vita það.
Bestu kveðjur.

[Guðbjartur (IP-tala skráð) 3.10.2006 kl. 20:53]

Já, vældu bara.
En hvað gerðir þú við pumpuna ? ;-))