Hit by a bus

Hæ.

Það er grámyglulet andlit sem Akureyri setur upp í dag. Hérna í vinnunni er frekar svalt á okkur, því hitastigið inni helgast meira og minna af hitastiginu úti.

Annars líða dagar frekar hratt um þessar mundir. Ég hef bloggað um það áður að líf mitt er stundum eins og í Ground houg day, myndinni. Datt þetta nú í hug þegar ég sá að þessi dagur var nýlega í BNA. 

En það þarf ekki að vera slæmt.

Við hjónin(eins og Óli Gríms forseti segir) höfum unnið að lífstílsbreytingu.  Erum í átaki í Átaki og gengur vel. So far, so good, so what? Kemur í ljós.

Í gær varð ég þó fyrir frekar óskemmtilegri reynslu.  Ég var að skreppa aðeins úr vinnunni og er að keyra út á Glerárgötu, frá bílaplaninu hér hjá Ásprent. Fyrir framan mig var smábíll, sem sá ekki að það var rautt ljós. Viðkomandi keyrir út á götuna en yfir á grænu ljósi kemur hins vegar eitt stykki strætisvagn og dúndrar framan á brettið á litla bílnum sem snérist og kastaðist til. Ég- sat þarna og horfði á.....og brá.

Fyrstu viðbrögð mín voru að gera ekki neitt. Sat frosinn í bílnum í nokkrar sek. en spratt svo út til að sjá hvort einhver væri slasaður.  Inni í bílnum var ung stelpa, sem varla hefur lokið ári í umferðinni og hún kom varla upp orði.  Ég var ekki með síma á mér og því tók ég símann af henni og hringdi í 112...

Eftir samtal við neyðarlínu komust við að því að láta lögreglu mæta og meta ástand hennar.  Strætóbílstjórinn meiddist ekki og enginn þar heldur.

 

Það er nú einu sinni þannig að þegar lífið gengur sinn vanagang og jafnvel í heljargreipum hversdagsins, þá eigum við að horfa á það jákvæðum augum, því þá er allt eins og það á að vera.

Athugasemdir

[Kjartan Pálmarsson, 12.2.2008 kl. 12:48]

Jáááá sælll! Pétur minn!

Vonandi gengur vel hjá ykkur hjónunum :)

Leiðindar mál þessi reynslusaga úr umferðinni, hún getur verið algjör ófreskja þessi umferð, þekki það.

Gott að ekki varð slys á fólki.

Þessi hversdagur getur gripið mann heljartökum eins og margt annað, you know!

Bestu kveðjur Norður úr sólinni í Kópavoginum

[laufey (IP-tala skráð) 12.2.2008 kl. 15:35]

Sæll Pétur. Það er ekki skemmtilegt að lenda í svona löguðu, en gott að engin slasaðist. Það er sama hér upp á teningnum í vinnuni hjá mér, kalt úti, kalt inni og öfugt. Maður klæðir sig bara betur og mætir í ullarsokkum í vinnuna  Er annars ekki afmæliskaffi á föstudag?

Bestu kveðjur

[Pétur Guðjónsson, 12.2.2008 kl. 16:30]

Mikið er gaman þegar einhver kommentar.

Kjartan, eins og þú veist, þá eru strætisvagnar stórhættuleg tæki. Já og hversdagsleikinn getur gripið mann sannarlega heljartökum.

Velkomin heim Laufey. Það er sko aldrei að vita nema maður skvetti smá á könnuna á föstudaginn.......Það væri nú amk gaman að sjá ykkur og heyra ferðasöguna

Heyrumst aftur.