Valentínusardagurinn

Hæ.

Í dag er Valentínusardagurinn.  Mörgum finnst þetta amerískt fyrirbæri en ég komst nýlega að því að svo er ekki.

Á síðunni; www.hvaderimatinn.is er að finna þennan fróðleiksmola:

Það er mjög útbreiddur misskilningur að Valentínusardagurinn sé bandarískur siður. Þeir hafa hins vegar verið nokkuð duglegir að tileinka sér hann. Dagur elskenda er ævaforn rómverskur siður sem hefur farið víða um hinn kristna heim.

Á 3. öld eftir Krist var Claudius II keisari í Róm. Hann uppgötvaði að einstæðir karlmenn væru miklu betri hermenn en hinir giftu og bannaði því hjónabönd í kjölfarið. Elskendur grétu þetta eðlilega og Valentínus nokkur sem þá var prestur í Róm tók það að sér að gifta ung pör í laumi. Þetta gékk svona í þó nokkurn tíma þar til upp komst og Valentínus var fangelsaður og líflátinn.

Til eru ýmsar útgáfur af því hvað nákvæmlega gerðist og ein sagan segir að Valentínus sjálfur hafi sent fyrstu Valentínusarkveðjuna. Dóttir eins fangavarðar hans á að hafa heillað hann svo að þau hittust töluvert í fangelsinu áður en hann var líflátinn. Á síðustu dögunum skrifaði hann henni svo ástarbréf og ritaði undir: "Frá þínum Valentínus" eða eins og enn í dag er notað í hinum enskumælandi heimi: "From your Valentine".

Sjálfsagt hafa margir kastað kveðju á elskuna sína í gegn um aldirnar en fyrsta ritaða Valentínusarkveðjan sem vitað er um var skrifuð í öðru fangelsi, Tower of London, árið 1415. Það var svo um miðbik 17. aldar að siðurinn komst á í Evrópu meðal almennings. 100 árum síðar var það orðin tiltekin venja að skiptast á gjöfum og fyrstu prentuðu Valentínusarkortin litu dagsins ljós í lok 18. aldar. Nú á okkar tímum eru send um milljarður Valentínusarkorta árlega og til samanburðar þá eru send um 2,6 milljarðar jólakorta ár hvert.

 

Nú er bara að vera góð við hvert annað í dag.

 

Athugasemdir

[Haukur (IP-tala skráð) 15.2.2008 kl. 11:09]

Blessaður og sæll.

Það var gaman af þessum fróleiksmola. Ekki þekki ég alla söguna en vissi að þetta kæmi frá Ítölum. Hverjum öðrum.

Ég hef ekki haft mikinn tíma til að lesa að skrifa á bloggið mitt en vonandi kemur það fljótlega.

Síðast ekki síst þá óska ég þér innilega til hamingju með afmælið í dag. Á að gera eitthvað skemmtilegt í tilefni dagsins? Smá öl?

Bestu kveðjur frá Riyadh, Haukur.

[Kjartan Pálmarsson, 15.2.2008 kl. 15:48]

Til ,,allra'' hamingju með daginn drengurinn minn! Vonandi hefur þú það sem best í dag sem og aðra daga.

Bestu kveðjur í kotið

[Haukur (IP-tala skráð) 16.2.2008 kl. 03:44]

Sæll aftur,

Ég gaf mér loksins tíma til að lesa fyrri færslur. Það var gaman af þeim. það er rétt hjá þér að tíminn líði hratt, hreinlega æðir áfram. Ég held að maður eiga að gera sitt besta að iðrast ekki, hvort sem það sé það sem maður hefur gert eða ekki. Það betra að reyna að gera betur.

Annars er sólin kominn upp. Það þýðir að það styttist í það að ég fari á hótelið og leggist til hvíldar.

Góða helgi.