Fugl dagsins....

.....hlýtur að vera rjúpa.

Þessa dagana hlaupa menn upp um fjöll og firnindi til þess að skjóta rjúpu.  Þó ég geri mér grein fyrir því að misjöfn séu áhugamálin, þá er ég feginn að þurfa ekki að elta þetta.  Ég efast reyndar ekki að skotveiði sé skemmtileg, það er ekki það sem ég á við.

Ég er meira að tala um stressið gagnvart því að ná sér í rjúpu  Og hugsa sér, þetta var nú einu sinni fátækramatur.  Reyndar er ég að kasta grjóti úr glerhúsi með því að gera grín að jólahefðum.

Heima hjá mér hefur verið svínahamborgarhryggur í mörg ár. Reyndar ekki síðustu ár. Ástæðan er sú að húsbóndinn fékk svo í magann að aðrir heimilismeðlimir gáfust upp. Svo fannst mér sjálfum ekkert gaman að eyða jólanótt á klósettinu.

Núna borðum við humarsúpu í forrétt og andarbringur í aðalrétt. Það er mjög gott. Samt horfi ég alltaf girndaraugum á Hamborgarhrygginn í búðum fyrir jól.

Þannig að þegar á öllu er á botninn hvolft er ég ekkert skárri en þeir sem eltast við rjúpuna, ég bara ólst ekki upp við það.  

Góðar stundir

Athugasemdir

[lg (IP-tala skráð) 6.12.2006 kl. 16:05]

Sæll Pétur. Það er engin spurning að fugl jólanna er rjúpa  hlakka ekkert smá til að borða rjúpu um jólin enda finnst mér öll villibráð góð, nammi namm. Nú eru rjúpnaveiðimenn ekki lengur sveittir að eltast við jólamatinn því rjúpnaveiðtímanum lauk á fimmtudaginn í síðustu viku. (hef ekki orðið vör við stress hjá mínum veiðimönnum, bara tilhlökkun) Ég er orðin hundleið á að borða mat sem ég blæs út af og líta svo út eins og svín   þegar ég vakna daginn eftir neyslu þessháttar fæðu. Svo styttist nú í skötuna sem er ómissandi byrjun á jólunum..

[Pétur Guðjónsson, 7.12.2006 kl. 09:25]

Hæ Laufey.  Já, ég er sammála að léttari matur er meira móðins. Núna erum við með andarbringur sem eru mjög góðar og frekar léttar.  Hangikjöt fer nú ekki vel í mig en ég myndi aldrei sleppa því. Snýst um að borða lítið og gæta hófs. *(er það ekki Guðbjartur)

En skatana, hún er algjörlega ómissandi byrjun jólanna.

[Guðbjartur (IP-tala skráð) 7.12.2006 kl. 11:06]

Jú, Pétur. Alla vega í orði.
Sammála með  skötuna.  Það kæmu engin jól ef hana  vantaði.  Mjög skemmtileg hefð sem  Laufey og Rúnar komu á. 

[Haukur (IP-tala skráð) 10.12.2006 kl. 14:01]

Það eru engir furðufuglar í matinn hjá okkur um jólin. En það er alltaf hangikjót á jóladag. mér er alveg sama þó að hangikjötið sé þungt í maga. Við höfum það ekki það oft og mér fynnst það ómissandi um jólin.    Bestu kveðjur frá Grayslake.