Hátíð í bæ

Sæl og gleðilega hátíð. 

Það er ekki seinna vænna að koma með jólakveðju til ykkar.  Þetta eru nú búin að vera meiri jólin, ekki slæm en ég hef verið veikur síðan á þorláksmessu 

Nú er ég hins vegar að rísa úr rekkju og allur að koma til.

Framundan er svo nýtt ár. 2007 er ár fyrirheita hjá mér og væntinga. Þannig er það alltaf en mismikið. Ég strengi alltaf áramótaheit. Mér er alveg sama hvað ykkur finnst um það.  Það virðist oft vera að fólki finnist áramótaheit vera asnaleg, heimskuleg og dæmd til þess að mistakast.  Ég hef strengt áramótaheit síðustu árin og alltaf hefur eitthvað gott komið út úr því.  Þetta er mín leið að meiri þroska og mín leið til þess að ná markmiðum. Ég fer í annarlegt ástand um áramót.

Þetta snýst ekki alltaf um heitstrengingar á að hætta hinum og þessum ósómanum.  Þetta er oft meira til þess að gera einhverjar breytingar.

Árið 2007 er sem sagt á næsta leiti.  Frá vonum og væntingu þess árs, verður sagt frá í næstu færslu. Fylgist með.........

Athugasemdir

[Haukur (IP-tala skráð) 28.12.2006 kl. 19:29]

Sæll Pétur og gaman að fá loksins blog frá þér. Auðvita skiptir það engu máli hvað öðrum finnst um ármótarheitin þín. Það eru margir sem strangja áramótarheit. Ég hef stundum gert það og bara ekkert af því.  Bestu baráttu kveðjur.

[BS (IP-tala skráð) 31.12.2006 kl. 16:39]

Elskulegi Pétur  minn, Hulda og grislingar! Megi árið færa ykkur mikla gleði og frið í sálum. Strengdu öll þau heit sem þig lystir. Þau gera hlutina ekki verri, en gætu gert þá betri. En enn og aftur hef ég tröllatrú á því að láta drauma sína rætast. Einblína á drauminn og sjá til þess að hann verði að veruleika. Kannske má kalla það áramótaheit. Ég hef góða reynslu af þessu. Einblíni á drauminn og fyrr en varir hefur hann ræst!!!

kveðja, BS